نويت أبرحل وأشد الركاب
تارك حبك عمري عطيته
الوقت مضى والجرح غلّاب
ودموعي دم بالقلم خطيته
تهت انا ويّه احلام الشباب
واماني صغيره بصدري أخفيته
عيبي طيبتي وقلب حبّاب
وهوىً جرحني ولا جرح نسيته
مشيت ورا قلبي فاقد الصواب
دفعني الشوق وهذا ما جنيته
هواه سلب عقلي يا أحباب
هويته وبكل ما املك هويته
وأجا اليوم وتكبر أبليا أسباب
معلن جفاه وانا اللي سويته
ليته يوم جاني صكيت الباب
وأقفلت قلبي وعني صديته
ما يسوّى كثر الندم والعتاب
والذنب ذنبي له الحبل رخيته
الهوى في قلبك ماله حساب
والوفى مافي يوم دربه مشيته
شعر::
الرئيسية 
