سافرت ولا ودعتني
معقوله للحين مافهمت علـيّـه الظاهـر انها تستهبل أو غبـيّـه
و الا أنا الغبـي وهي الذكـيّـه لأنـي مابيّنت لهـا اني أهواهـا
يعني معقوله مافهمت النظـرات معقوله مافهمت ذيك الغمـزات
والا شكلها ماشافت البسمـات والا شكلي راح أتعب معاهــا
ماتذكر الـورد اللـي أهديتهـا مكتوب عليه بالأحمـر فديتهـا
والدب المكتـوب عليه حبيتهـا والهديه والعطــر اللي معاهـا
ماشافت كيف أضيع لو ألقاهـا أخاف وأوقف مكاني من حلاها
كل هذا ومافهمت اني أهواهـا مافهمتني بعد كل اللي جاهـا
مابقى غير اني أقـول اسمعينـي أنا أحبك يكفي حرام عذبتينـي
حسي فيني والا تكفه افهمينـي مابقى غير أروح وألحق وراهـا
آه يالقهر سافرت ولا ودعتنـي آه يالقهر ولا جات و كلمتنـي
آه ياويلي والله انـها عذبتنـي والله أشقاني و أتعبني غلاهــا
شكلها تتغلى أو يمكن تتسلّـى والله ماراح ينـفعهـا التغلّـي
مثل مايقولوا من تغلّـى تخلّـى شكلي بتغلى و بنساها و عساها
…………………………………………………………………
نفسـي أكلمهـا
أنا نفسي أروح و أكلمهـا ودي أروح لها وأصارحهـا
لكن للأسف مانـي قـادر خايف اني أكلمها وأتنـدم
كل يوم أحلـم في هواهـا وأحلم اني أتكلـم واياهـا
بس مـدري ليه أنا أكابـر والا معاها ماعرف أتكلـم
أنا ليه مـا أروح وأفهمهـا وبكلامي المعسول أغازلهـا
المشكله أنا ماعرف أغامـر لأنـي قدامها أصير أبكـم
يتلخبط كلامي لو ألقاهـا وأنسى الدنيا من حلاهـا
ما أدري اشلون أنا صابـر والشوق فيني يبكي ويتألـم
الظاهر اني بروح و أخربهـا والله يستر بس من آخرتهـا
أنـا الين متى أبقى حايـر لازم أكلمها ياعسى تفهـم
الرئيسية 
